منتدى بسيط وجميل كٌوّن لإجتماع الحبايب والتواصل معهم دوماً, ,

المواضيع الأخيرة

» [size=24]شعر بالانجليزي (((مترجم)))[/size]
الجمعة مارس 19, 2010 8:08 am من طرف برنسيسه فقيره

» رجيم الدكتور؟؟؟؟؟؟؟؟ دشتي
الخميس مارس 11, 2010 3:51 pm من طرف mgmg

» مثلثات التوست << للكسولات فقط
الإثنين مارس 08, 2010 8:26 pm من طرف mgmg

» اسهل بيتزا بالعالم
الإثنين مارس 08, 2010 3:57 am من طرف مدمع الغيم

» دجاج متبل---معmgmgمش حتقدر تسكر بؤك
الإثنين مارس 08, 2010 3:46 am من طرف مدمع الغيم

» هل تشعرين بالدوار عند الوقوف المفاجئ؟؟؟؟؟؟؟؟؟؟
الخميس فبراير 25, 2010 7:12 am من طرف مدمع الغيم

» *&*فديت من كااان لغيابي يعاني*&*
الإثنين فبراير 22, 2010 1:25 am من طرف مدمع الغيم

» اول موضوع لي بهالقسمم .. ارائكم ^_^
الثلاثاء فبراير 16, 2010 7:11 am من طرف سمو الأنوثة

» ^*^مصطلحات أندونسية للخادمات^*^
الثلاثاء فبراير 16, 2010 6:49 am من طرف سمو الأنوثة

» قوانيــن قسم التصوير الفتوغرافي ..
الأربعاء يناير 06, 2010 2:15 am من طرف مدمع الغيم

التبادل الاعلاني


    لو ارسلتي رساله بالغلط...تعالي وحطيها هنــــا...وكمان شوفي المواقف

    شاطر
    avatar
    مدمع الغيم
    المديـرة العــامة

    عدد المساهمات : 185
    نقاط : 3851
    تاريخ التسجيل : 07/05/2009
    المزاجرآآيقــ/ه

    GMT + 10 Hours لو ارسلتي رساله بالغلط...تعالي وحطيها هنــــا...وكمان شوفي المواقف

    مُساهمة من طرف مدمع الغيم في السبت أغسطس 22, 2009 6:56 am





    ( السلام عليكم ورحمة الله وبركاته ) مواقف محرجه اعجبتني حبيت احطها لكم واتمنى انها تعجبكم نبدابسم الله


    (1)
    بنات كانوا في الجامعه شله وكانت وحده منهم عازمتهم وجت وحده من البنات كتبت
    لصاحبة العزيمه (اذا انتي عازمه نجلاء انا ماراح اجي ودبري لي اي عذر قوليه للبنات بصراحه انا استثقل دمها واذا ناديتيني مره ثانيه لاتنادينها واوعدك بجي اوكي) وارسلت الرساله لنجلاء بالغلط :{ !! .....
    (2)
    مره كنت برسل مسج حق رفيقتي بقول لها تحسب لي طارئ بالدوام لان مالي خلق اداوم المهم انا حافظة رقم رفيقتي بس كتبته غلط وشوي يدق علي الرقم واستغربت ان طلع رقمها بدون اسمها ورديت على التلفون طلع لي واحد قال( عن الخبال قومي لبسي وداومي )طبعا انا انصدمت وسكرت الخط على طول من الخوف داومت
    (3)
    وحده كانوا اهلها عازمينها وزوجها طالع استراحة مع اخوياه وما حضرالعزيمه هي بترقع له عند ابوها قالت انه معزوم على العشاء عند عمه وكتبت رسالة لزوجها ترى اهلي سألوا عنك دبرت لك عذر قلت لهم ان عمك عنده عزيمه ... وارسلت الرساله لابوها ...

    (4)
    مره انا كنت والده في المستشفى ووحده من صديقاتي الله يصلحها جالسه من العصر عندي يوم جت الساعه 11 مليت مره وهي ماعندها نيه جالسه تسولف مع امي وخواتي دق علي زوجي قال ابمركم شوي وهاذي ماعندها نيه تروح واقوم اكتب رساله لوحده من خواتي اقول لها
    (( ترى فلان بيجي وهالنشبه مستانسه على الجلسه مليت منها الله يصلحها شكلها ودها تتسحر عندنا لاتسولفون معها عشان ماتستانس وتمل وتطلع الله ينشبها)) وارسلتها لصديقتي اللي جالسه عندي بالغلط :{ .....

    أرسلت لجارتي وقلت لها تجيني بعد المغرب تتقهوى عندي وأنا متعوده أرسل لها وخلاص تجي يعني مهوب لازم ترد علي ..وانا اللي عقب ماصليت المغرب أتجهز وأجهز قهوتي واجلس أحتري زوجي يطلع لأنه في ذا الوقت يطلع ..

    والا هو جااي وجالس يالله وين القهوه ؟

    أنا : أي قهوه ؟
    هو : تستهبلين يا أم المفاجات الحلوه
    وبعدين استوعبت اني أرسلتها له بالغلط وسكت وما قلت شي ,,:
    (6)
    قبل رمضان بيوم جتني رسالة من صديقتي مضمون الرساله كالأتي ( رمضان بكره والشياطين تنحبس في رمضان ... والله راح نشتاق لك ) عجبتني الرسالة قلت راح ارسلها لزوجي .. وارسلتها .. ولما جاني تقرير الرسالة وجدت اسم عمي ( ابو زوجي ) .......... والله فشلة:
    (7)
    كنت عند اهلي وقالوا لي خلي زوجك يجي يتغدى عندنا .. رحت ارسلت له رسالة ( اهلي عازمينك على الغدا ) وراحت الرسالة.. وبعد شويه يرسل اخو زوجي رسالة مضمونها ( بأي مناسبة ؟) فشلة ...:
    (Cool
    مره تخاصمت انا وزوجي وكتبت رساله لاخوي اسب زوجي سب واعلمه اني بتثقل عليه ولاراح اعطيه وجه ..
    تتتتخيلوا ...... الرساله راحت لزوجي وزعل وارسل تهديد
    وانا انطميت وسكت والله موقف لن انساه
    (9)
    مره اختي مسافره برا وهي مديرة مدرسه .....
    المهم جا وقت عودة المدرسات وهي كانت معطيتنا جوالها ....... فارسلت على جوالها رساله تقول لاختي الثانيه )يا فلانه ارسلي للمدرسات رسايل وقولي لهم يداومون احسن لهم ....مو اذا غاب القط العب يا فار)قامت اختي من السنع ارسلت نفس الرساله لجميع المدرساااات ....يعني نفس النص ما غيرته وتعالوا شوفو الضحك والفشيله



    (10)
    انا مره اتصلت على وحده ماردت بعد شوي جاني منها مسج كاتبه
    ((يافلانه ترا فلانة (إللي هي أنا) ازعجتني بالاتصالات ومارديت عليها))
    والمشكله اني مادقيت الا مره وحده ..
    عاد تحسبوني سكت ارسلت لها مسج قلت:
    (( ربي باغي يفضحك ))
    (11)
    جتني رساله من رقم ما أعرفه بس تقول :
    ((مبروك ماجبتي وعساك طيبه وترانا فرحنالك ودعينا لك ولبنتك وعسى الله يخليها لك وترانا نبي نجيك بكرا))
    على طول رديت قلت :
    ((تراااااااك غلطانه وعلمو الحرمه انكم تبي تزورونها ترى الرساله هذي ماوصلتها))

    (12)
    انا مره واحد ارسل لي رسالة بالغلط :
    (فلان انت صاحي ولا نايم) ارسلت له : تراك غلطان رد :
    ( بلا استهبال جب معك فطور)

    مره في العيد اخوي ما جاء هو وأهله لانه كان عنده شغل ماقدرالمهم اختكم في الله فيني رومانسيه زايده اقعد اكتب رساله كلها شوق وحب لأخوي .. وان العيد ماله طعم بدونك واشتقنا لك والمشكله ماكتبت اسمه لا .. كاتبه ابو عبدالعزيز ليتني كتبت اسمه ..واجي ارسل الرساله ورقم اخوي مميز يعني مايبيله حفظ واكتب الرقم وارسل .. يوم رحت للرسائل المرسله والقى رقم ماطلع اسم اخوي ..
    يافشيلتاااااااه قلت الحين بيتصل علي ويغثني يارب مايكون واحد لعاب بس شوي واتصل نفس الرقم <<< جاك الموت ياتارك الصلاة ارد ماارد ارد ماارد .. ردي يابنت الناس واعتذري وخليك جاده ورسميه وقولي والله غلطانه.. ويوم رديت طلعت حرمه ..السلام عليكم عليكم السلام أنتيِ مرسله رساله لي ؟؟ قلت لها غلطانه و اشوا انك حرمه والله اني كنت خايفه انك رجال الحمدلله طلعتي حرمه,,تتوقعون وش قالت ؟ قالت : انا كنت اتمنى انك تطلعين رجال بس للأسف طلعتي حرمه!! قلت لها ليش؟ قالت انا رقمي رديف لرقم زوجي .. وزوجي اسمه ابو عبدالعزيز قلت يمكنك واحد من اصحابه مرسل له رساله وغلطان ,, لكن طلعتي حرمه والله لا يوريكم والله سوت لي تحقيق ولا المخابرات
    انتِ مين ؟ انتِ تعرفينا وتسوين فيني مقلب صح؟؟ قلت لها والله مااعرفك..غلطانه والله غلطانه قالت قولي الصراحه تعرفين زوجي ؟؟والله اني قعدت احلف واقسم ساعتين ماصدقتني اووووف اعوذ بالله شكلها مرررررره شكاكه حلفت لها مليون يمين اني مااعرف زوجها,,في الاخير عطيتها رقم اخوي قلت لها شوفي هذا رقم اخوي ابو عبدالعزيز اللي كنت ابرسل له نفس رقمك يا اختي لكن الاختلاف اخر رقمين بس انا عكستهم صدقيني,, اتصلي عليه واسأليه ياالله بعد طلوع الروح اقتنعت وسكرت ,, لا .. ويوم اقتنعت تقعد تسولف معاي ,, تقول ارسلي رسايل حلوه ان كان عندك ,,<< في المشمش هاذا الي ناقص بعد




    يالله وهذا موقف صار لي انا شخصياً

    لما كنت طالعه 3/م تغيرت مديرتنا فكنت حابه ابشر وحده من البنات " المديره كانت قاااسيه وانا عانيت منها " المهم ارسلت لها

    ( يا سوسو انا لحظة حنين "كتبت اسمي" وقلت لها انهم غيروا المديره وجابوا وحده جديده اسمها منى الغامدي ويقولون انها ملعونه<<هههه استغفر الله...ووصفت كل شي لها وارسلت)

    المهم اكتشفت اني عكست آخر رقمين وراااحت لرقم ثاني... Laughing يمممه..المهم دق الرقم عليه واكتشفت انها حرمه باين عليها كبيره شوي وقالت اني غلطانه وقفلت..يوووه بغيت اموووت من الإحراج والمشكله الجوال مو جوالي جوال امي

    ملاحظه/ المديره الجديده كانت قمه في الأخلاق صراحه


    استغفر الله العظيم واتوب اليه اللهم صلي على محمد لا حول ولاقوة الا بالله ...سبحان الله وبحمده سبحان الله العظيم .. لا اله ىالا الله


    المواقف منقوووله

      الوقت/التاريخ الآن هو السبت ديسمبر 15, 2018 6:34 am